原來計劃是與友人M去大坑小白屋吃晚飯，根據近期雜誌和open rice資料，此店常滿座，但我們抱著「東家唔食，食西家」的心態，故沒有訂座。(事實我也早早計劃了後備食店喔，呵呵。)

黃昏時份6點半到達小白屋，推門進入，一位服務生先問我們有否訂座，再要求於7點半交還枱子(吓！只有一小時食晚飯？)和提醒我們只收現金。我和M都是慢食擁護者，平常返工已嫌一小時放飯時間不夠何況是晚飯呢？懶理你的食店有多出名，食物做得多好也不能這樣子喔，跟吃快餐店碟頭飯有何分別？！

於是，我們走到Ziti's吃薄餅。



巴馬火腿配蜜瓜，火腿不錯，蜜瓜又夠香甜，還要附上沙律呢。



薄餅夠脆，餡料也夠鮮味，8吋份量對兩個女子胃口來說剛剛好。



蜆肉鮮味，但嫌意粉做得不夠al dente。

買單約$230(不設加一)。

Ziti's Homemade Pizza & Catering
地址：香港大坑銅鑼灣道110號地下
電話：2576 7700